ဆည်းဆာ

စီးဆင်းနေသော မြစ်၏နံဘေးတွင်

လွမ်းဆွေးနေသည့် ကမ်းပါးတွေရှိသည်။

.
တစ်ဦးနှင့်တစ်ဦး အမှန်ချစ်လျှင်

ငှက်ကလေးတွေပင်

အတူပျံသန်းခွင့် ရပါသည်။

.
တခါရံ၌ တိမ်တွေလှပခဲ့သည်ကို

တဘဝလုံး မျှော်တွေး၍

ကောင်းကင် ငေးသူ။

.
အဝေးမှညနေသည်

အတောင်ပါသော အလွမ်းများပင်ဖြစ်သည်။

.
ချစ်သူချင်းပေါင်းရသော ကမ္ဘာ၌သာ

လူ အဖြစ်ကို ကျွန်တော်ရလိုသည်။

.
ချစ်သူချင်းပေါင်းရသော ကမ္ဘာ၌သာ

လူ့ အဖြစ် ကိုကျွန်တော်ရလိုသည်။ 
. 
ကေဇော်

ချစ်ပြုံးနှင်းဆီ

.
လေညင်းသည်

မနက်ခင်း၏ မှန်တံခါးချပ်များအား

အ သာ အ ယာ ဖွင့်ကြည့်လိုက်စဉ်

နှင်းဆီပွင့်လေးတွေကို ပုံတူဆွဲရန် ကြိုးပမ်းနေသည့်

ပန်းချီသင်တန်းသူ နှင်းဆီပန်းလေး တပွင့်အား

အမှတ်မထင် မြင်တွေ့ခဲ့ရပြီး နောက်

.
နေ့ညအစဉ်
ကျွန်တော်၏ စိတ်အတွေးများသည်

ကမ္ဘာမြေ၏
နူးညံ့မှု၌လည်းကောင်း

သဘာဝပတ်ဝန်းကျင်ကြီး၏
အလွမ်းတေး၌လည်းကောင်း

လူတယောက်နှင့် နှင်းဆီပန်းလေးတပွင့်၏

တယောသံ၌လည်းကောင်း

အစဉ်သဖြင့် ဆွတ်ပျံ့လှပစွာ ခိုတွဲ၍ နေပါသည်

.
ထိုသို့သောအခိုက်

အချစ်သည်

ပန်းနှင်းဆီအငုံလေးထဲမှနေ၍

ကျွန်တော့်အား ပြုံးနေပေလိမ့်မည်။

.
ကေဇော်

ပွင့်ဦး

အသဲလွှာမြေဝယ်

အစိမ်းရောင်ရင့်သော

နှင်းဆီပန်းလေးတပွင့်

အမှန်ပင် ဖူးပွင့်ခဲ့လေပြီ။

.

ဘဝချင်း လွှဲချော်သည့်အခါ

အချစ်သည် ကြင်နာမှုကို ဖြစ်စေ၍

နှလုံးသားချင်း လွှဲချော်သည့်အခါ

အချစ်သည်နာကျင်မှုကို ဖြစ်စေသည်။

.

မည်သို့ပင်ဖြစ်စေ

ကံမဆုံသော အချစ်များတွင်

အမှန်တရားသည်

ရထားဆိုက်ချိန် နောက်ကျခဲ့သည်။

.

ကေဇော်

မိုးသက်လေနှင်

.

အနောက်တောင်က လေပြည်သည်

ဘုရားကုန်းပေါ်မှ တောအုပ်ကလေးအား

တသုန်သုန်သုန်သုတ်ဖြူး၍ တီးခတ်နေ၏။

.

အသံသာသော ရှုမျှော်ခင်းလေးထဲ၌

သူမနှင့် ကျွန်တော် ပျော်ဝင်နေမိ၏။

.

နှလုံးသားမှလွဲ၍ အရာအားလုံး

တိတ်ဆိတ်ငြိမ်သက်နေသည့် အချိန်။

.

အချစ်စိတ်တို့သည်

သံသာလေ စောင်းတန်းလေးအတိုင်း

ရှေ့သို့ တက်လှမ်းခဲ့ကြသည်။

.

တောင်ပေါ်တွင် ပြိုလုလုတိမ်တွေ

ရှိနေပါလိမ့်မည်။

.

လူသားနှစ်ဦး၏ စိုးရိမ်စိတ်သည်

ညနေခင်း၏ တိမ်တောင်တိမ်လိပ်များအား

နိမ့်ကျလာစေခဲ့ပြီ။

.

ကံစီမံရာ လရောင်များအောက်ဝယ်

သူမနှင့် ဂီတသည် ကျွန်တော်၏ဘဝ၌

အသက်တမျှ ညလေးတညဟု ဆိုရပေမည်။

.

ကေဇော်

သည်ဆောင်းဟေမာန်

.

မှုန်ပြာရီသော

ကျွန်တော်၏ကမ္ဘာသည်

နှင်းများအောက်တွင်

မှုန်ဝါး ပျောက်ကွယ်လုမတတ်။

.

နှလုံးသားထဲသို့

တဟုန်ထိုး ရွာသွန်းခဲ့သော

အချစ်မိုး၌

အလွမ်းမျက်ရည်များ ပါဝင်နေသည်ကို

ကျွန်တော် မသိနိုင်ခဲ့။

.

ပကာသနပင်စည်မှ

တော်ဝင်ပန်းကလေး သဇင်သည်

မြောက်ပြန်လေအား

သူမ၏နှလုံးသွေးများဖြင့် လိမ်းခြယ်၍

အလှကြီး လှစေသည်။

.

ဆောင်းကို ကျွန်တော်ချစ်ပါသည်

ဆောင်းသည်

အဘယ်ကြောင့် ကျွန်တော့်အား

နာကျင်စေခဲ့သနည်း။

.

ကေဇော်

.

ရတုဘုရင်

ကံတရား၏ စုတ်ချက်တွင်

ရှေးရေစက်သည်

ဆေးရောင်ဆေးစက်တို့ ဖြစ်ခဲ့သည်။

.

အတိတ်ဘဝက ဆူးခဲ့ဖူးသော

ဆူးကလေး တချောင်းကြောင့်

ဤသို့ တောရိပ်တောင်ရိပ်ကြီးထဲဝယ်

နတ်ရှင်နောင်နှင့် သူမ

ဆုံတွေ့ခွင့်ရခြင်း အမှန်ပင်ဖြစ်သည်။

.

လူနေဟန်ပန်နှင့် ဝတ်ပုံစားပုံ ရုပ်သဏ္ဍာန်က

နတ်ရှင်နောင်ဟု၍ ပုံဖော်ပြဌာန်းထားနိုင်သော်လည်း

ကျွန်တော်၏ နှလုံးသားနှင့် မျက်လုံးအကြည့်တို့ကား

အားငယ်သည့် နှင်းဆီပန်းလေးတပွင့်နှယ်

သူမ၏ရှေ့၌ တထပ်ချင်း တဖတ်ချင်း

ကြွေ၍ ကြွေ၍ ကျနေသည်။

.

မည်သို့ပင်ဖြစ်စေ

ရင်ကို စူးဝင်ခဲ့သော နေ့တနေ့အား

ကျွန်တော်ကပင် ကျေးဇူးတင်မဆုံးတော့။

.

ကေဇော်

ဆောင်းနတ်မယ

တယ်လီဖုန်းလေးသည်

အနွေးထည်လေး တထည်ပမာ

မြူနှင်းတွေ ဘယ်လောက်ကြမ်းကြမ်း

လူတွေ သတ္တဝါတွေ အချစ်စိတ်တွေ

ဘယ်လောက်ချမ်းချမ်း

ဒီ တဆောင်းကို

သူမ၏ အသံဖြင့် ကျွန်တော်ခုခံမည်။

.

ကောင်းကင်က ကြယ်တွေ

နာလိုခံခက် ဖြစ်အောင်

ချစ်သူ့ စကားသံဖြင့်

နှလုံးသားတို့ အစွမ်းကုန်လင်းလက်ကြသည်။

.

မမျှော်လင့်သော တညသ၌ဝယ်

ကျွန်တော့် ရင်ထဲ၌

ပင်လယ်ကြီးတခုကို တွေ့ရ၏။

.

တယ်လီဖုန်းခေါ်သံနှင့် သူမ အကြား

မြင့်မိုရ်တောင်ကြီးခြားနေသည်။

.

ညကြီးမင်းကြီး

လမ်းမီးတိုင် ဝါဝါတွေအောက်၌

နှင်းတွေ နှိပ်စက်သမျှ

တယ်လီဖုန်းကလေး

ခိုက်ခိုက်တုန် ချမ်းရ၏။

.

ထို့အတူ ခုနှစ်ဆောင် ဘုံမြင့်၌

နှင်းဆီပွင့်လေးရော အိပ်ပျော်ပါရဲ့လား။

.

ကေဇော်

ရွှေပွင့်လွှာ

အိပ်မက်ထဲ၌

ဘယ်အခါကမျှ အနေမနီးခဲ့သော

ကောင်းကင်နှင့် မြေကြီးသည်

သက်တန့်ရောင်စုံကြီး၏

ဆက်သွယ်မှုကြောင့်

ချစ်သူ ဖြစ်ခဲ့ကြကုန်သည်။

.

အိပ်မက်မှနိုးသောအခါ

သူမ၏လမ်းထဲ၌

ဂုဏ်ရည်တူငှက်များ

ယှဉ်တွဲပျံသန်းနေကြသည်။

.

ညည်းညူတတ်သော

တယောသံကလေးသည်

သူမ၏အလှ၌

ဝဋ်ဒုက္ခအပေါင်းအား မေ့လျော့၍

စိမ်းရွက်အကြိုအကြား

တိုးဝှေ့ကာ ပျော်ရွှင်နေသည်။

.

သူ့ရိုးတံ၌ သူ့အလှခိုင်ခံ့နေတာ

ရွှေပွင့်လွှာ၏ သင်္ကေတပင်ဖြစ်မည်။

.

မိုးရွာမည်ဟု ထင်မှတ်ရသော

နှလုံးအိမ်ထဲ၌

ရင်ခုန်သံတိမ်လှိုင်းများ

အတိုင်းမသိ အုံ့ဆိုင်း နေချေပြီ။

.

အကယ်တံထု

အမှန်ပင်မိုးရွာခဲ့မည်ဆိုလျင်

ပန်းအလှ ရွှေပွင့်လွှာသည်

မိုးစက်မိုးပေါက်လေးများအကြား၌

ကောင်းကင်နှင့် မြေကြီး၏

အချစ်အိပ်မက်ကို

သူမဆက်၍ မက်နေပါလိမ့်မည်။

.

ကေဇော်

မောင့်ချစ်နှင်းမှုန်

အောင်မြင်သော သီချင်းတပုဒ်သည်

မအောင်မြင်သော အချစ်နှင့်

မည်သို့ ပတ်သက်ခဲ့ပါသနည်း။

.

မောင့်ချစ်နှင်းမှုန်သည်

နှင်းမှုန်မြူခိုးတွေ ဝေ့ဝဲကျရောက်နေသည့်

ဟေမန္တ၏ဆောင်းတညဝယ်

ဂီတနက်သန်သံစဉ်နှင့်အတူ

ချစ်သူကို ရှာဖွေခဲ့သော

အဆိုကျော် မောင်မောင်ညွန့်၏

ဓာတ်ပြားသီချင်းဟောင်းတပုဒ် ဖြစ်ပါသည်။

.

လောက၌ ပျောက်ဆုံးနေသည့်

ချစ်သူကို ရှာဖွေရသည်ထက်

နှလုံးသားထဲ၌ ပျောက်ဆုံးသွားသော

ချစ်သူကို ရှာဖွေရသည်က

ပို၍ ခက်ခဲလှပါသည်။

.

ယခုထက်တိုင်အောင်လည်း

ကျွန်တော်၏ ကမ္ဘာမြေပေါ်၌

မှုန်.. ပြာ.. ရီ.. ဝေ

နှင်းတွေတဖွဲဖွဲ ကျနေဆဲပင်။

.

ကေဇော်

မငိုပါနဲ့

နင် မငို ပါနဲ့ လို့ ပြောပြီး အခါ ခါ ငါငိုတယ်
ရင်တခု လုံး ပွင့်ထွက်သွား မတတ်ငိုတယ်
ခန္ဓာ ကိုယ်အစိတ်အပိုင်းထဲကတခုခုဆုံးရှုံးသွားသလိုငိုတယ်
နင်လုံးဝ မငိုနဲ့ လုံးဝမငိုရဘူး နော်
ရှေ့ဆက် ရမဲ့ဘ၀တွေအတွက်
ဆက်လျောက် ရမဲ့အနာဂါတ်တွေအတွက်
နင် လုံးဝငိုလို့မဖြစ်ဘူး လုံးဝမဖြစ်ဘူးနော်
နင့်မျက် ရည်တစက်ကျတိုင်းကမ္ဘာ တခါပျက်တယ်
နှလုံး သားတွေနာကျင် ရလွန်းလို့် 
ဘ၀တွေခါး သက် ရလွန်း လို့
ကျေးဇူးပြုပြီးမငိုပါနဲ့လို့
ငါပြောတာကြားလား
မျက်ရည်တွေနဲ့ပြောတာကြားလား
မငိုပါနဲ့ လုံး ၀ မငိုပါနဲ့
မျက်ရည်တွေနဲ့ ငါပြောမယ်
မငိုပါနဲ့ .......