ငါလား ပိုးလောက်လန်းကောင်ပါ " xx "

ငါလား ဟုတ်ပါတယ် " xx "
ဆက်သွယ်ရေး အစုတ်ကြီးထဲ မှာ
လူကိုယ်တိုင် စုတ်ပြတ်သတ်နေတာ ။
ဒဏ်ရာ ရနေခဲ့သူမို.
မှန်ကန်တဲ့ ဆေးညွန်းစာကို
မိနစ်လေးဆယ်စာ အချိန်ယူပြီး တန်းစီစောင့်ယူတယ် ။

ငါလား ဟုတ်ပါတယ် " xx "
အထီးကျန်နေရင် ဂစ်တာ တီးပါတယ်
အတတ်နိုင်ဆုံး ရိုးသားပါတယ်
စိတ်ညစ်နေရင်ပြုံးတတ်ပါတယ် ။

ဟုတ်ပါတယ် " xx "
ငါဆိုတဲ့သူက
စကားတခွန်းထဲနဲ.လဲ နှစ်ရက်လောက် သေတတ်တယ်
စကားတခွန်းထဲနဲ.လဲ စိတ်တွေ ပြောင်းသွားတယ် ။

ကိုယ့်ကို ကိုယ် အံ့သြတယ် " xx "
နားထောင်တဲ့သီချင်းတွေ ပြောင်းလဲသွားတယ်
ရေခြားမြေခြား မှာ ဖတ်ဖို.စာ တွေ ရေးတယ်

ဘာမှမမျော်လင့် ခြင်းတွေထဲမှာ ဘာမှတော့ မဖြစ်ချင်ပါဘူး " xx "
ကဗျာတွေက တရားခံဖမ်းသလို ငါ့ကိုလိုက်ဖမ်းနေတာ ကို ပက်ပြေးနေမိတာ ။

ဒါဟာ ကဗျာ တပုဒ်သက်သက်ပဲဖြစ်ပါရစေ  " xx "
အိပ်မက်ထဲ မှာ ရေးလိုက်တာ ပါ ….

မိုးစက်
28 Oct ( 9 : 00 PM )

ကိစ္စမရှိပါဘူး

မြေဆီနဲ့ မျိုးစေ့
သဟာဇာတ မဖြစ်လို့
ပေါင်းသင် ဖြတ်ခုတ် ခံ လိုက်ရတာပါ။

အကြင်နာ နဲ့
အကျင့်စရိုက်...
လိုက်ရော ညီထွေ မရှိလို့
အနာဂတ်တွေ ဆေးသွင်း အသတ်ခံ လိုက် ရတာပါ။

နားလည်နိုင်စွမ်း နဲ့ စိတ်ဓာတ်
ရေစက် မဆုံ လို့..........
အိပ်မက်တွေ လမ်းဘေး၊ချနင်း ခံ လိုက် ရတာပါ။

အသိုင်းအ၀ိုင်းနဲ့ ရာဇ၀င်
သမိုင်းမတွင်လောက်လို့........
လှေကားသုံးထစ် နောက်ပြန် ဆင်းပေးလိုက်ရတာပါ။

ကိစ္စ မရှိပါဘူး... ခွဲခွာခြင်း...။


မှူးဒါရီ

ယုံတမ်းပြောကြေးအနုပညာ

(၁)
ဘာတွေ လုပ်ဖြစ်နေလဲတဲ့
အသက်ရှူသံ မျှင်းမျှင်းများ နဲ့ နာမည် ၀ှက်တမ်း ကစားနည်း ကစားဖြစ်တယ်...

(၂)
..................
ဟယ်လို ငါ ပါ...
နင့်အတွေးတွေထဲ အထူးကံ ခံစားခွင့် လူကြီးမင်း မဟုတ်တဲ့ ငါပါ
ဟုတ်ပါတယ် ငါ ပါ...
နင့်အပေါ်နှုတ်ခမ်း နဲ့ အောက်နှုတ်ခမ်းကြား အောက်ဆီဂျင်နဲ့မှ အသက်ရှူချင်မိတဲ့ ငါပါ
ဟုတ်ကဲ့ အဲ့ဒီ ငါ ပါ ပဲ...
ဖွဲ့စည်းပုံအသေကြီးကိုစွဲကိုင်
(နင်ပြောသလို.... )
အနုတ်လက္ခဏာ လှိုင်လှိုင်ကြီးရေးခြစ်ပြတတ်တဲ့
အညံ့စားကျောက်သင်ပုန်းလို ငါ ပါ

နင့်ဆီကို
ဖုန်းစုတ်လေးမှ တဆင့် လွဲလို့
ဆက်သွယ်ရေး ညံ့ဖျင်းခဲ့....................။

(၃)
.............................
မနေ့ညက နင် မော့ကြည့်ဖြစ်တဲ့
ကောင်းကင်မှာ ကြယ်လေးတွေ အရောင်မတောက်ဘူး တဲ့
ကနေ့ည ငါ မော့ကြည့်လိုက်တဲ့
ကောင်းကင်မှာလည်း ကြယ်လေးတွေ မှေးမှိန် သေးကွေး.........

နောက်တနေ့ နောက်တည
နှစ်ယောက်သား အတူ ကြည့်ဖြစ်ချိန် ကျရင်ကောကွယ်...?

(၄)

အလိမ်အညာတွေဆိုပေမယ့်...
အမှန်တရား တ၀က်တိတိ ကပေါက်ကချာနဲ့
ချစ်ခြင်းမေတ္တာ ရောင်းတန်းဝင် ကြော်ငြာ စာတမ်း
ဖျက်သိမ်းကြောင်း ယုံတမ်း ပြောကြေး အနုပညာ...။

(၅)
ကလေးရေ...
............
မသိရဲတဲ့ အဖြေတခု က
မပြောသင့်ဘူး ဆိုတဲ့ အိမ်ခွံထဲ အံဝင်ခွင်ကျဖြစ်လာပြီဆိုရင်
ကိုယ့်ရင် ကိုယ် လျိုသတ် ခြင်းတွေမှာ...
ငါတို့ အကျွင်းတ၀င်ရှိနေဖို့တော့ လိုပါမယ်။


မှူးဒါရီ

အလွမ်းက ကိုယ့်ကို မီးမှိတ်လိုက်တယ်

တယောက်က တယောက်ကို စွန့်ခွာသွား တဲ့အခါ
ထွက်ပြေးရက်သူက ဘယ်သူဖြစ်ဖြစ်......................
ကျန်ရစ်ခဲ့သူက ဘယ်သူဖြစ်ဖြစ်....................
အချစ်က မြေဇာမြက်..................။

ရိုးသားပွင့်လင်း ခြင်းမှာ
ဘယ်အရေမှမခြုံဖြစ်ခဲ့တဲ့အခါ
မိုက်မဲသိုးတကောင်နဲ့ ကျွန်မ တူခဲ့လိမ့်မယ်
ဖြောင့်မတ် ထူအခြင်းမှာ
ဘယ်အကြည့်ကိုမှ မရှောင်လွဲ ဖြစ်တဲ့အခါ
ရန်လို သင်းကွဲ အရိုင်းသားကောင် ဆန်ခဲ့လိမ့်မယ်
အိပ်မက်တွေကို နမိတ်ဖတ်လွဲခဲ့ပြီး
အဆိပ်တက်နေတဲ့ ကတုန်ကရင်နဲ့
ရင်ဘတ်အကွဲမှာ တွယ်ချိတ်လေးများတန်းလန်း...
တံခါးရွက်တို့ ထာဝရကျိန်စာသင့်အခန်းမှာမှ ကျွန်မ နေပျော်ခဲ့ပါရဲ့။

သူများတွေလို ဝေးချင်လို့ ဝေးသွားတာလည်း မဟုတ်ပဲ
ဝေးသင့်လို့ ဝေးသွားကြတာလည်း မဟုတ်ပဲ
ဝေးနေလို့ ဝေးသွားကြတာမျိုး....ဝေး၊

အရိပ်အကဲမကြည့်တတ်တဲ့အခါ
တိမ်အော်သံဟာတောင် ဆူညံ လွန်း နေမယ်။


ဇူလှိုင်ရေ........
ခုဆို ရန်ကုန်မှာ မိုးတွေ အရမ်းသည်းနေပြီ
လမ်းမပေါ်မှာလည်း ရေတွေချည်းပဲ
မှောင်ထဲမည်းထဲမှာ
ဆလိုက်ထိုးသလို ကားမီးရောင်တွေအောက်က...
မိုးစက်တွေကျနေပုံ သိပ်လွမ်းစရာကောင်းတယ်...သိလား

ဇူလှိုင်ရေ........
ဖိစီးစိတ်မှာ စကားလုံးတွေ သက်ဝင်တောက်ပနေကြပြီ
အလွယ်တကူ မေ့မသွားသေးတာကိုက ခမ်းနားကြီးကျယ်လို့
အိပ်မက်ဟောင်းတွေက ဒိုးယိုပေါက် စိမ့်စိုလို့
ထီးရွက်အိုအောက် မျှော်လင့်တကြီးမိုးခိုလို့
ချစ်သူ့ အပြန်လမ်း အရပ်မျက်နှာဖက်ဆီ ဦးတည်လို့...သိလား

ဇူလှိုင်ရေ....
ငါကတော့ ငါ့ကိုယ်ငါ လမ်းဆန်ဆန်ခင်းလိုက်တာပါပဲ
အချိုးအကွေ့ မှာ အခိုးအငွေ့တွေအဖြစ်နဲ့
အစွန်းထွက်တဲ့အထိ တိုးဝှေ့ ပျောက်ကွယ်ခံခဲ့ရ
မနက်ဖြန်များစွာတိုင်အောင် ထိရှ အက်ကြွေနေမယ်........။
သိလား...။


မှူးဒါရီ

တံခါးတွေ ပိတ်ထားလိုက်

ဟိတ် !!!
တံခါးတွေကို ပိတ်ထားလိုက်
အိမ်ရှေ.နားမှာ အလွမ်းတွေ ရစ်သီရစ်သီနဲ.
ဝင်ခွင့်သာပေးလိုက်ရင်    သွားပြီ
အိပ်ဆေးတွေ ငါ့အတွက် လို လာလိမ့်မယ်

တံခါးတွေကို ပိတ်  မီးတွေမှိတ်ပြီး
ဘာမှမဖြစ်သလို  အိပ်ပြစ်လိုက်

သီချင်းသံတွေ ပိတ် အသဲကွဲ သီချင်းတွေ တိတ်ထားလိုက်

ကွန်ပြူတာကို ပိတ်  နင့်ဓာတ်ပုံ တွေ အရိပ်ပြနေလိမ့်မယ်

တယ်လီဖုန်း ကိုပိတ်  စိတ်တွေကို ရိတ် သိမ်းလိုက်

အာာာာာာာာာာာ 
ဖြစ်နိုင်ရင် အကုန်လုံးကို ပိတ်ထားလိုက်
" သံယောဇဉ် " ဆိုတာ ရင်ဘတ်ထဲ ပိုက်ထားလို.
ကောင်းတဲ့အရာ မဟုတ်ဘူး ။   ။

မိုးစက်  ( ၁၃ အောက်တိုဘာ )

အကယ်၍

အကယ်၍

မင်းအသိုင်းအ၀ိုင်း တုန်လှုပ်ခြောက်ခြားပြီး

ဒါတွေဟာ မင်းကြောင့်လို့ ၀ိုင်းဝန်းအပြစ်တင်ကြတဲ့အခါ

မင်းဟာ တည်ငြိမ်စွာနဲ့ ရင်ဆိုင်နိုင်မယ်ဆိုရင် . . .


အကယ်၍

အားလုံးက မင်းကို မယုံသင်္ကာဖြစ်လာတဲ့အခါ

သူတို့ကို နားလည်စွာ ခွင့်လွှတ်ရင်းနဲ့

မင်းကိုယ်မင်း ယုံကြည်မှု အပြည့်ရှိမယ်ဆိုရင် . . .


အကယ်၍

စောင့်သင့်တဲ့အချိန်ကို စောင့်နိုင်ပြီး

အဲဒီအတွက်လည်း မမောမပန်း နေနိုင်မယ်ဆိုရင် . . .


ဒါမှမဟုတ်

မင်းရဲ့အကြောင်း မဟုတ်မတရား မုသားစကားကြားရတဲ့အခါ

မင်းကလည်း အလိမ်အညာတွေနဲ့ မတုန့်ပြန်ဘူးဆိုရင် . . .


ဒါမှမဟုတ်

မင်းကို လူတကာက ၀ိုင်းဝန်းမုန်းတီးတဲ့အခါ

မင်းကလည်း အမုန်းတွေ ပြန်မပွားဘူးဆိုရင် . . .


အကယ်၍

စိတ်ကူးယဉ်အိပ်မက်တွေဟာ

မင်းအပေါ် မလွှမ်းမိုးစေဘဲ

စိတ်ကူးနိုင်မယ်ဆိုရင် . . .


ပြီးတော့

အတွေးအခေါ် စိတ်ကူးတွေဟာ

မျှော်မှန်းချက်သက်သက်သာ မဖြစ်စေဘဲ

တွေးခေါ်နိုင်မယ်ဆိုရင် . . .


အကယ်၍

အောင်မြင်မှုသုခနဲ့ ဆုံးရှုံးမှုဒုက္ခတွေကို ကြုံတွေ့ရတဲ့အခါ

တူညီသော လောကဓံတရားတွေပါလားရယ်လို့

ခံယူထားနိုင်မယ်ဆိုရင် . . .


အကယ်၍

မင်းရဲ့ အမှန်စကားတွေကို

လူလိမ်လူညာတွေက လှည့်စားပြောင်းလဲပြီး

မုသားအဖြစ် ထောင်ချောက်ဆင် ညစ်တဲ့အခါ

မင်းဟာ တည်ငြိမ်စွာနဲ့ နာကြားနိုင်မယ်ဆိုရင် . . .


အကယ်၍

မင်းဘ၀တစ်ခုလုံးပေးပြီး

အရိပ်တကြည့်ကြည့်နဲ့ ဖြည့်ဆည်းခဲ့ရတဲ့ အရာရာကို

ဖျက်ဆီးခံလိုက်ရပြီးတဲ့နောက်

အင်မတန်မှသေးငယ်တဲ့ တန်ဆာပလာ အရာရာနဲ့

ပြန်လည်တည်ဆောက်နိုင်မယ်ဆိုရင် . . .


အကယ်၍

မင်းနိုင်ခဲ့သမျှတွေအားလုံး

ကြွေတလှည့်ကြက်တခုန်ပမာ

တလှည့်တခါတည်းနဲ့ ဆုံးရှုံးသွားခဲ့ရင် . . .


ပြီးတော့

အစကနေ ပြန်စနိုင်မယ်ဆိုရင် . . .


ပြီးတော့တခါ

ဆိုးလှတဲ့ကံကြမ္မာရယ်လို့

ဘယ်သောအခါမှ ညည်းညူမနေဘူးဆိုရင် . . .


အကယ်၍

သူများတကာတွေ လုပ်ပြီးသွားကြလို့

အချိန်အတော်ကြာမှ မင်းအလှည့်ရောက်လာတဲ့အခါ

မင်းတယောက်တည်းနဲ့ပဲ

အားနဲ့မာန်နဲ့ ဇွဲသတ္တိရှိရှိ ဆက်ကြိုးစားနိုင်မယ်ဆိုရင် . . .


အဲဒီလိုပဲ

မင်းမှာ စိတ်အင်အားကလွဲလို့ ဘာဆိုဘာမှ မရှိတော့တဲ့အခါ

အဲဒီစိတ်အင်အားကို ခိုင်မာစွာနဲ့ပဲ

လက်ဆုပ်လက်ကိုင် ထားနိုင်မယ်ဆိုရင် . . .


အကယ်၍

လူတွေနဲ့ ထိတွေ့ဆက်ဆံ ပြောဆိုတဲ့အခါ

ကိုယ်ကျင့်သိက္ခာကို စောင့်ထိန်းနိုင်မယ်ဆိုရင် . . .


ဒါမှမဟုတ်

မင်းဧကရာဇ်တွေနဲ့အတူ လမ်းလျှောက်နေရပေမယ့်

မာန်၊ မာန သွေး မကြွဘူးဆိုရင် . . .


အကယ်၍

ရန်သူကဖြစ်စေ၊ မိတ်ဆွေကဖြစ်စေ

မင်းကို နာကျည်းအောင် မလုပ်နိုင်စေရင် . . .


အကယ်၍

လူတိုင်းကို တန်ဖိုးထားလေးစားပေမယ့်

စွဲလမ်းမှု သံယောဇဉ်တွေ ထားမနေဘူးဆိုရင် . . .


အကယ်၍

တိုတောင်းလှတဲ့ မပစ်ပယ်နိုင်တဲ့ တမိနစ်အတွင်းမှာ

အဓိပ္ပာယ်ရှိတဲ့ စက္ကန့်ခြောက်ဆယ်အဖြစ်

အသုံးချနိုင်မယ်ဆိုရင် . . .


ငါ့သားရေ

မင်းဟာ အရာရာရှိတဲ့ အရာရာဖြစ်တဲ့ ကမ္ဘာကြီးကို

ဆုပ်ကိုင်လို့

အရာရာ ဘာမဆို မင်းစွမ်းနိုင်ပြီပေါ့

အဲဒီတော့ မင်းဟာလည်း ယောက်ျားကောင်းတယောက်ပဲပေါ့။ ။

 IF ဆိုသော ကဗျာအားဒေါ်အောင်ဆန်းစုကြည်မှ ဘာသာပြန်ပေးထားခြင်းဖြစ်ပါသည်။

ကျနော့်နှုတ်ခမ်းဖျားပေါ်က တဆတ်ဆတ်တုန်ယင်နေတဲ့အမှန်တရားဟာ မနှင်းဆ

ချစ်ခြင်းမေတ္တာဟာ ဘတ်စ်ကားအိုကြီးတစ်စင်းလို

မြို့ပြလူထုနဲ့ကင်းကွာလာတာ တွေ့ရတယ်။

မွန်းကြပ်မှုအမြင့်ဆုံးအဆင့် ။ အနူးညံ့ဆုံး ထွက်ပေါက်။

စကားပြောခန်းတစ်ခုမှ စကားလုံးရင်ကွဲသံ။

တစ်နေ့နေ့ဆိုတဲ့အတွေးနဲ့တင် ကျနော်ဖြာကနဲ ပြိုဆင်းသွားတယ် မနှင်းဆီ။

ကျနော်က ခြေဆုံး,ခေါင်းဆုံးမယဉ်ကျေးတဲ့ကောင်။ ထာဝရလိပ်ပြာ လုံချင်တယ်။

အသက် ၂၈ နှစ်ရှိပြီ ။ အခုချိန်ထိ ပတ်ဝန်းကျင်က ကျနော့်ကို အရောင်အဆင်းမှားတုန်းပဲ။

တိတ်ဆိတ်ငြိမ်သက်ခြင်းက လည်မြိုတစ်လျှောက် တဖြည်းဖြည်းချင်းနေရာယူလာတယ်။

အရသာမရှိတဲ့ ရေနွေးကြမ်းတစ်ခွက်အဖြစ်နဲ့ပဲ ကျနော်မှာ စီးဆင်းခဲ့ရပြီ။

လူ့ဘ၀တစ်ခါရောက်တိုင်း မနှင်းဆီကဗျာတစ်ပုဒ် ကျနော်ရေးခဲ့မယ်။

ကျနော်ခေတ်အဆက်ဆက် မြတ်နိုးလာတဲ့ယဉ်ကျေးမှုဟာ

မနှင်းဆီဖြစ်ကြောင်း ကမ္ဘာတစ်ဝှမ်းကလူတွေ သိပါစေ။

ဖြစ်လေရာဘ၀မှာ အနုပညာနဲ့သာပေါင်းဖက်ပါ့မယ် မနှင်းဆီ။

ကျနော့်ကို ယုံပါ ။

ကျနော့်ကိုယ်ပိုင်တံဆိပ်က တော်လှန်ရေးမျက်လုံးနဲ့၊ ရဲဝံ့တည်ကြည်ခြင်းပဲ မနှင်းဆီ။

ပြင်းပြင်းထန်ထန်မယုံကြည်ဘဲ ဘယ်အကြောင်းအရာကိုမှ လက်ဖျံရိုးထဲပေးမ၀င်ဘူး။

ကျနော့်ဘ၀မှာတော့ ဟားဗက်စ်တက္ကသိုလ်ပဲ တက်ချင်တယ်။

စပိန်ဂစ်တာတစ်လက်ပဲ ဖြစ်ချင်တယ်။

အရေပြားပေါ်လျှံကျနေတဲ့လူငယ်စိတ်နဲ့ ခေတ်ကိုကိုယ်ကပြန်ချော့သိပ်ချင်တယ်။

အမှန်တရားဟာ မြန်မြန်သေမယ့်ရောဂါတစ်ခုအနေနဲ့ ကျနော့်ခန္ဓာကိုယ်ထဲဝင်လာတယ်။

ရန်ကုန်မြို့ကြီးဟာ ဇာတ်လမ်းတွဲတွေနဲ့ လှည်ဖျားခံထားရတယ်။

မိုးရေချိန်ဘယ်လောက်ရွာသွန်းပြီး

ကျနော်တို့ငြိစွန်းခွင့်ကို ခင်ဗျားငြင်းပယ်မလဲ။

သပ်သပ်ရပ်ရပ်ပြုံးရတာ လိပ်ပြာနာလာတယ် မနှင်းဆီ။

လုပ်ငန်းခွင် ၊ မျက်လုံးအသေ ၊ အနာဂတ် ၊ ရှင်ကွဲ/သေကွဲ ။

ဘယ်ကြိုးကိုလှမ်းဆွဲပြီး ပျော်ရွှင်ရမလဲဆိုတာ ကျနော့်ကိုပြောပါ။

ကျနော်က အဘိဓာန်မှာမပါတဲ့ အက္ခရာလေးတစ်လုံးပါ မနှင်းဆီ။

ယနေ့ခေတ်လူ့အဖွဲ့အစည်းကို ကျနော်ငြီးငွေ့တယ်။

ကတ်ကိုဘိန်းရဲ့သေတမ်းစာမှာ ကျနော့်သဘောထားတွေ အများကြီးပါတာကို

ခင်ဗျားငြင်းပယ်နိုင်တယ် မနှင်းဆီ ။

ပျော်ရွှင်မှုကိုရှာဖွေရင်း မိမိကိုယ်ကိုယ်ပျောက်ဆုံးလာတဲ့အခါ

အပြောင်းအလဲကို အသက်ပေးပြီးဝယ်ရတာလည်း နူးညံ့မှန်ကန်လွန်းပါတယ်။

ကမ္ဘာကြီးကိုညာလို့ရတယ် ။ ချစ်ခြင်းမေတ္တာကို ညာလို့မရဘူး မနှင်းဆီ ။

လက်ဖက်ရည်ဆိုင်ထိုင်ရင်း ၊ ရှုမျှော်ခင်းတွေ မျှော်ကြည့်ရင်း

ကိုယ့်ကိုယ်ကိုယ်မေး,ထူး,ခေါ်,ပြောလုပ်ရတာ ပိုသဘာဝကျပါတယ်။

အခြေခံလူတန်းစားတွေစိတ်ထဲက အရောင်တဖျတ်ဖျတ်တောက်ပနေခြင်းဟာ

ဒီကမ္ဘာကြီးနာကျည်းရမယ့် ညနေစာဖြစ်တယ် မနှင်းဆီ ။

လူဆိုတာ ကိုယ့်အရိပ်ကိုယ်ကြောက်လန့်ရလောက်အောင်

အမှားတွေကို နင်းမိတတ်တယ် ။ ခင်ဗျား ဖြူစင်ပါ။ ယနေ့မှစ ၊ သံသရာထိတိုင် ဖြူစင်ပါ။

ကျနော်ရင်ဘတ်အောင့်အောင့်နေခြင်းဟာ ခင်ဗျားဖြူစင်ဖို့လုံလောက်တဲ့အကြောင်းပြချက်ဖြစ်ပါစေ။

ဒီအတိုင်းဆို သိပ်မကြာခင်မှာပဲ မနှင်းဆီ နဲ့ အရာအားလုံးကိုကျနော်ထားရစ်ခဲ့ရတော့မယ်။

ကျနော်တို့တူတူကြိုက်ခဲ့ဖူးတဲ့ သီချင်းတွေကို ကျနော့်အတွက်ပိုနားထောင်ပေးပါ။

ချောင်းဆိုးရင်းသွေးပါလာတာလည်း အနုပညာပဲ မနှင်းဆီ။

ကျနော်သွားနှင့်တော့မယ် ။ ။


-စစ်နိုင်

ရှင်ကွဲ (၂)

လက်တစ်ကမ်းမှာတင် မျက်လုံးချင်းဆုံနေရင်း
တမျှော်တခေါ်လွမ်းရပုံ။
နူးညံ့သန့်စင်တဲ့ ချစ်ခြင်းမေတ္တာ ။
ညာဘက်လက်ကောက်ဝတ်မှ သေရာပါအမှတ်တရပစ္စည်း ။
ကိုယ့်ဘ၀တစ်ခုလုံးပေါင်းမှ စိတ္တဇပန်းချီကား တစ်ချပ် ။
၂၄ ရက် ။ ဧပရယ် ။ မျက်ဝန်းနှစ်စုံကြားမှ မမြင်နိုင်တဲ့ မိုးတိမ် ။
ထွက်ခွာသွားရန် ရောက်ရှိလာခဲ့ပါသော မနှင်းဆီ ။
လက်ဖက်ရည်က ပေါ့ဆိမ့် ။ ဘ၀မှာ အခါး ဂိတ်ဆုံး ။
ပထမဆုံးနဲ့ နောက်ဆုံးအကြိမ် ။
မြင်ခွင့်မရလိုက်တဲ့ မိုးကောင်းကင် ။
အဖြေကို စောင့်မျှော်မနေသော မေးခွန်းများ ။
မျက်ရည်မကျဘဲ ငိုကြွေးနေတတ်တဲ့ ပင်ကိုစရိုက် ။
ပျံသန်းရောက်ရှိလာပါသော အနက်ရောင်ကံကြမ္မာ ။
ရေခြား,မြေခြားမှာဖတ်ဖို့ ကဗျာတစ်ပုဒ် ။
ဗာဒံပင်ရိပ်က လက်ဖက်ရည်ဆိုင် ။
စောင့်မျှော်နေခဲ့ရသော ကာလများ ။
တစ်မိနစ်ချင်းစီ ဝေးသွားပုံ ။
လမ်းမလျှောက်တတ်သေးတဲ့ ဥပေက္ခာတရား ။
လက်ဖျားချင်းထိခတ်ခွင့်မှာ တငွေ့ငွေ့လောင်တဲ့စိတ် ။
အရိပ် နဲ့ ကိုယ် နဲ့ ကြားမှာ သံသရာတစ်ခု.....ခြား ... ။
မြင်မြင်ချင်းဝေးရတဲ့ကံတရား ။
အပြန်အလှန်နားလည်မှု စာမျက်နှာ ။
ခေါက်တုံ့ခေါက်ပြန် တမ်းတခြင်း ။
သတိရခြင်း နွံအိုင်များ ။
လေထဲတိုက်အိမ်ဆောက်ချင်နေတဲ့ သံယောဇဉ် ။
အိပ်မက်ထဲမှာတင် မျက်စိလည်နေရတဲ့ ၀င်္ကပါ ။
သေလွဲရှင်လွဲ တနင်္ဂနွေ ။
ကျနော်ကိုယ်တိုင်လောကဓံဖြစ်သွားတဲ့ ညနေခင်း ။                ။

-စစ်နိုင်

ကမ္ဘာနှစ်ခု ကြားက ရတနာနတ်မယ်

မကြာသေးခင်က ထွက်တဲ့ သြစတြေးလျ အရှေ့ပိုင်း Griffith University ရဲ့ Review journal အမှတ်စဉ် ၂၇ မှာ ရေးထားတဲ့ Between Two Worlds ဆိုတဲ့ စာတပုဒ်ကို ဆရာမ ဒေါ်ကြည်မေကောင်း ဘလော့မှာပေးတဲ့ လင့်တွေကတဆင့် ဖတ်လိုက်မိတယ်။
အဲဒီ ဂျာနယ်လေးက တခါထုတ်ရင် ခေါင်းစဉ် Theme တခုအောက်မှာ ဝိုင်းရေး ကြတာမျိုးလေးပါ။ အဲဒီ အမှတ်စဉ် ၂၇ ကလည်း food အစားအစာ အကြောင်းပါ။ တော်ရုံဆိုလည်း အဲဒီ ခေါင်းစဉ်အောက်မှာ ကိုယ်တို့လိုလူတွေအတွက် ဒီလောက် စိတ်ဝင်စားစရာ ကောင်းမယ့် စာမျိုးပါလာမယ်လို့ ထင်စရာအကြောင်း သိပ်မရှိဘူးလေ။ တွေ့မယ့် တွေ့လိုက်တော့ ဗမာလူမျိုးတွေ အတော်စိတ်ဝင်စား တဲ့ အမျိုးသမီးတယောက်အကြောင်း ဖြစ်နေတယ်။

pho

ကနောင်မင်းရဲ့ မြစ်တော် ရတနာနတ်မယ် (LIFE မဂ္ဂဇင်းက ၁၉၅ဝ တွင် ရိုက်ကူးထားသောပုံ)
မင်းဆွေ မင်းမျိုး ကုန်းဘောင်ဆက်လည်းဖြစ်၊ ပုံပြင်ဆန်ဆန် လျှို့ဝှက်သည်းဖို ဆန်ဆန်၊ နားစွန်နားဖျား ကြားခဲ့ရဖူးတဲ့ အာဏာရှင် ဟောင်း ဦးနေဝင်းကြီးရဲ့ ဇနီးဟောင်း တယောက်လည်း ဖြစ်ခဲ့ဖူးတဲ့ ရတနာနတ်မယ်ရဲ့ တပိုင်းတစ ပုံရိပ်တချို့ကို သူမရဲ့ အီတာလျံ တက်စကန်နီ တောစာပုံစံ ကျွေးမွေးတည်ခင်းတဲ့ နေ့လည်စာဝိုင်းလေးတခုမှာ နောက်ခံထားပြီး ရေးထားတာပါ။
အဲဒီ စာလေးကို စိတ်ဝင်တစား ဖတ်ရင်း တချို့ အချက်လေးတွေကို ရွေးပြီး ဝေမျှချင်စိတ် ဖြစ်လာ မိတယ်။ ဝေမျှချင်တယ်ဆိုတာ လည်း ဘာအကျိုးပြု၊ ဘာဝါဒဖြန့်မှ မဟုတ်ဘူးဆိုတာ ရှင်းပါတယ်။ လူ့သဘာဝ ဒီလို အကြောင်းလေးတွေကို သိချင်စိတ်ဝင်စားတာ မဆန်းလို့မို့ ဗမာပြည်ကစာအုပ်တွေမှာ မောင်သန်းဆွေ (ထားဝယ်) ရေးတဲ့ မင်းဆွေ မင်းမျိုးတွေအကြောင်း စိတ်ဝင်တစား လိုက် ဖတ်ရသလိုမျိုးပဲ ဆိုပါတော့လေ။
ဒီဆောင်းပါး အရတော့ ဆောင်းပါးရှင် ကိုယ်တိုင်က ရောမကနေ တဆင့် အီတလီရဲ့ နာမည်ကျော် Tuscany ပြည်နယ်မြို့တော် ဖြစ်တဲ့ Florence မှာ နေထိုင်တဲ့ Ms June Rose Bellamy ခေါ် ရတနာနတ်မယ် ရဲ့ Associazione Culturale Arte e Gastronomia Orientale လို့ ဆိုင်းဘုတ် ချိတ်ဆွဲထားတဲ့ အိမ်လေးကို အလည်အပတ် ရောက်သွားပုံနဲ့ စထားပါတယ်။ သူ့ ဆောင်းပါးလေးက အီတာလျံ အစားအသောက် အကြောင်းလေးတွေ သူမ ချက်ပုံ ပြုတ်ပုံလေးတွေ တပိုဒ်၊ သူမ ရဲ့ နောက်ခံဇာတ်ကြောင်းလေးတွေ တ ပိုဒ်နဲ့ တကယ့်ပြဇာတ်ဆန်ဆန်လေး ရေးထားတာပါ။ အဲဒီ အထဲမှာမှ သူမ ကိုယ်တိုင်ဖွင့်ဟပြောပြတဲ့ တချို့ စကားလေးတွေဟာ တော်တော်စိတ်ဝင်စားစရာ ကောင်းပါတယ်။

pho

တကယ်တော့ ဗမာ့သမိုင်းမှာ ခေတ်မီသူ၊ ပြုပြင်ပြောင်းလဲလို သူလို့ လူသိများထင်ရှားတဲ့ ကနောင်မင်းသားကြီးရဲ့ မြစ်တော် တယောက်အနေနဲ့တင် သူမဘဝက စိတ်ဝင်စားစရာ ကောင်း နေခဲ့ပါပြီ။ အင်ဂလိုကပြားဖြစ်တာ၊ ချောတာလှတာ ခေတ်ဆန် တာ နောက်ဆုံး ဗမာပြည်က နာမယ်ကျော် အာဏာရှင်ကြီးနဲ့ လက်ထပ်လိုက်တာဆိုတဲ့ အချက်တွေကတော့ ထပ်ဆင့်ပိုကဲ ပြီး ပြောမဆုံးပေါင် တောသုံးထောင် ဖြစ်သွားရတော့တာပါပဲ။
သူတို့ မိသားစုရဲ့ အရွယ်အပိုင်းအခြား ပုံရိပ်တွေကို တွက် ချက်ခန့်မှန်းကြည့်တော့ သူမရဲ့ မိခင် လင်းပင်မင်းသားကြီးရဲ့ သမီးတော် ထိပ်တင်မလတ်က အသက် ၃၄ နှစ်မှာ သူမထက် ၁၆ နှစ်ကြီးတဲ့ သြစတြေးလျနိုင်ငံသား အင်္ဂလိပ်လူမျိုး ဘွက် ကီ မြင်းပွဲဒိုင် Mr Herbert Bellamy နဲ့ လက်ထပ်တယ်။ လေးနှစ်ကြာမှ သူမ ကို မွေးတယ်။ သူမ ကိုယ်တိုင်ကတော့ အသက် ၂၂ နှစ် မှာ ပထမ အိမ်ထောင်ဖြစ်တဲ့ အီတာလျံ လူမျိုး၊ WHO က ဗမာပြည်မှာတာဝန်ကျတဲ့ ဆရာဝန် တယောက်နဲ့ လက်ထပ်တယ်၊ သားလေး ၂ ယောက်ရတယ် စသဖြင့် အရွယ်တွေ အရိပ်တွေကို အရင်ပုံဖော်ကြည့်မိတယ်။
ဧည့်သည်အတွက် ချက်ပြုတ်၊ စကားလက်ဆုံကြရင်း နံရံမှာ ချိတ်ဆွဲထားတဲ့ နန်းဆန်ဆန် ဝတ်စုံတွေနဲ့ အဘိုးအဘွား မိသားစုပုံတွေ ကနေ သူမရဲ့ နောက်ခံ ဘဝတွေ၊ သူမ အဖေအကြောင်းတွေကို စိတ်ပါလက်ပါ ပြောပြနေတဲ့ ရတနာနတ်မယ်ဟာ သူမအတွက် အိမ် မက်ဆိုးဖြစ်ခဲ့တဲ့ ဦးနေဝင်းနဲ့ ပတ်သက်တဲ့ အကြောင်းတွေကိုတော့ သိပ်အများကြီး ပြောချင်ပုံ မရဘူးလို့ ဆိုထားတယ်။
အဲဒီ အချက်တွေထဲမှာမှ သူမရဲ့ အမေထိပ်တင်မလတ်ဟာ ဖခင်ဖြစ်သူ လင်းပင်မင်းသားကြီး ပြည်ပြေးဘဝနဲ့ အိန္ဒိယမှာ နေထိုင် ခဲ့ကြတဲ့အခိုက် အထက်တန်း လွှာအသိုင်းအဝိုင်းနဲ့ ဝင်ဆံ့ခဲ့ပြီး (အရှေ့တိုင်း တိဗက်တောင်တန်း နိုင်ငံတခုဆီက) အိမ်ရှေ့ မင်းသား တပါးနဲ့ စေ့စပ်ကြောင်းလမ်းတဲ့အထိ ဖြစ်ခဲ့တယ်လို့ ဆိုတယ်။ လက်ထပ်ပွဲမတိုင်ခင် ရက်အနည်းငယ် အလိုလေးမှာ မင်းသား အဆိပ် ခတ်ခံခဲ့ရလို့ လွဲခဲ့ရတဲ့အကြောင်းလေးကလည်း လွမ်းသလိုလို ဆန်းသလိုလို။
ဖတ်နေရင်း မျက်လုံး ကျယ်သွားပြန်တာက သူမရဲ့အဖေ ငယ်စဉ်က ကြီးပွားရာကြီးပွားကြောင်း သြစတြေးလျတိုက် တကြောခြေ ဆန့်ရင်း Kalgoorlie ရွှေတော အထိ ရောက်ခဲ့ ငွေရှာခဲ့တယ်ဆိုတဲ့ စာကြောင်းလေးပါ။
(စကားချပ် … Kalgoorlie ဆိုတာ မြို့တော်နဲ့ အတော်လှမ်းတဲ့ လက်ရှိ ကိုယ်နေထိုင်နေတဲ့ ရွှေတွင်းမြို့ကလေး တခုမို့ပါ။ လွန်ခဲ့တဲ့နှစ် ၁ဝဝ ကျော်လောက်က ရွှေကြောကြီးတွေ အကြီးအကျယ်ပေါ်လို့ တကမ္ဘာလုံးက လူတွေ ရွှေလာရှာခဲ့တဲ့ နေရာတခု ဖြစ်ခဲ့ဖူးတယ်။ အခုလည်း ကမ္ဘာ့တောင်ခြမ်းမှာ အကြီးဆုံး ရွှေတွင်းကြီး ရှိနေလေရဲ့)

pho

အဲဒီမှာ မစ္စတာ ဘယ်လာမီ တယောက် အသက်ကြီးမှရတဲ့ သမီးလေးကို သူငယ် ငယ်က ကြီးပြင်းခဲ့တဲ့ သြစတြေးလျတိုက်ကြီးရဲ့ ရေမြေ သဘာဝတွေအကြောင်း ကာဂူးလီဆိုတဲ့ ရွှေတွင်းမြို့လေးက ထူးဆန်းလှတဲ့ အဖြူရောင် ကတ္တဝါကြီးတွေ အကြောင်း၊ မြန်မာပြည်က ကြက်တူရွေး အစိမ်းလေးတွေနဲ့ ယှဉ်ပြီး ပြောပြနေတဲ့ ပုံကိုလည်း မြင်ယောင် ကြည့်မိတယ်။
နောက်တော့ ဒုတိယကမ္ဘာစစ်ဖြစ် ဂျပန်ဝင်လာတဲ့အခါ သူတို့မိသားစု အိန္ဒိယကို စစ်ပြေးတဲ့အကြောင်းတွေ သာသနာပြုကျောင်း ဆရာမတွေက သွေးနှော ကလေး မလေးကို နှိမ်ပုံ၊ အရှက်ခွဲပုံတွေ၊ ပြန်ရွဲ့လို့ ကျောင်းကအထုတ်ခံရပုံတွေ။ ဂျပန်တွေ ပြန်ထွက်သွားတော့ ၁၄ နှစ် သမီးမှာ မိသားစုလိုက် ဗမာပြည်ပြန်လာကြပြီး မေ မြို့မှာ အခြေချနေထိုင်တာတွေ စတဲ့အကြောင်းတွေကို တခြားစာအုပ် တွေထဲက အချက်အလက်တွေနဲ့ အစီစဉ်တကျတွဲစပ်ပြီး တင်ပြထားပုံက စာရေး သူဟာ June Rose တည်ခင်းတဲ့ အထူးစပါယ်ရှယ် ယုန်သဲချေ အစာသွပ်ဟင်းထက် သူမအကြောင်းတွေကိုသာ စိတ်ဝင်စားနေခဲ့လို့သာပေါ့။
သူမရဲ့ ယောက်ျားဆန်ပုံ သွက်လက်ချက်ခြာပုံအကြောင်း မိသားစုပိုင် ကားစုတ်ကလေးကို ကိုယ်တိုင်အင်ဂျင်နှိုးပုံကို မြင်ခဲ့ရတဲ့ မိသား စုမိတ်ဆွေ တယောက်ရဲ့ မှတ်တမ်းအပိုင်းအစလေးကိုလည်း ထည့်ရေးထားသေးတယ်။ နောက်တခါ ဗမာပြည်မှာ စစ်ပြီးခေတ်က ဟိုးလေးတကြော် စိတ်ဝင်စားခဲ့ကြတဲ့ Purple Plain ရုပ်ရှင်မှာ ဟောလိဝုဒ် မင်းသား ဂရေဂရီပတ်နဲ့ တွဲဖက် သရုပ်ဆောင်ဖို့ ဦးစွာ သဘောတူခဲ့သူ ဖြစ်ကြောင်းလည်း သိလိုက်ရတယ်။ အဲဒီမှာ ဗမာ့ယဉ်ကျေးမှုနဲ့ မလျော်တဲ့ ထုတ်လုပ်သူဘက်က တောင်းဆိုချက် တွေကြောင့် သူမဘက်က ဖျက်သိမ်းခဲ့တယ်လို့ ဆိုတယ်။ အဲဒီနောက်မှသာ ဝင်းမင်းသန်းနဲ့ သဘောတူပြီး ရုပ်ရှင်ကို ဆက်လက်ရိုက် ကူးခဲ့တာ ဖြစ်ပါလိမ့်မယ်။
နောက်တော့ အီတာလျံလူမျိုး WHO ဝန်ထမ်း ဆရာဝန်နဲ့ အိမ်ထောင်ကျရင်း လွတ်လပ်ရေးရခါစ မြန်မာ့နိုင်ငံရေး မငြိမ်မသက် လှိုင်း တွေကြား ကွန်မြူနစ်တွေက သူ့အမျိုးသားကို ပြန်ပေးဆွဲသွားပုံကိုလည်း ပြန်ပြောင်း ပြောပြထား သေးတယ်။ ပြန်ပေးသမား ကွန်မြူ နစ်တွေဟာ ခေတ်ပညာတက် ကျောင်းသားဟောင်းတွေ ဖြစ်တာ၊ သူတို့ မိသားစုကို ကောင်းကောင်းမွန်မွန် ရှင်းပြဆက်ဆံခဲ့တာ၊ နောက်တော့ သူ့အမျိုးသား ပြန်လွတ်လာတဲ့နောက် မြန်မာအစိုးရကလည်း သူတို့ကို နိုင်ငံကခွာဖို့ အကြံပေးတာကြောင့် သူ့အမျိုးသား တာဝန်ကျရာ နိုင်ငံရပ်ခြားတွေမှာ လိုက်ပါနေထိုင်ရင်း အီတလီမှာ အခြေချခဲ့ကြတယ်။
ဦးနေဝင်းနဲ့ ဇာတ်လမ်းစခဲ့ပုံကိုတော့ ခပ်ပါးပါးလေးပဲ ပြောပြထားတယ်။ သူ့အမျိုးသားနဲ့ ကွာရှင်းပြတ်စဲလိုက်ပြီး သားလေး ၂ ယောက် နဲ့အတူ အီတလီမှာပဲနေထိုင်နေတဲ့တလျှောက် ၁၉၆၂ ခုနှစ် နောက်ပိုင်း ဦးနေဝင်း လက်ထက်မှာ မြန်မာပြည်ဟာ အထီးကျန်ဆန် လာတာ ဆင်းရဲလာတာတွေကို မျက်ခြေမပြတ် သိမြင်နေခဲ့ပြီး သူ့ဖခင် မေမြို့မှာဆုံးတော့လည်း ခဏတဖြုတ် ပြန်လာနိုင်ခဲ့တယ်။ ဒါပေမဲ့ နောက်တခေါက် သူ့မိခင် နာမကျန်းဖြစ်တဲ့ အချိန်မှာတော့ မြန်မာသံရုံးက ဗီဇာထုတ်မပေးတော့ဘူး။ အဲဒီမှာ ကွယ်လွန်သွား ပြီဖြစ်တဲ့ ဦးနေဝင်းရဲ့ဇနီး ကစ်တီ ဘသန်းနဲ့ အထက်တန်းလွှာ အသိုင်းအဝိုင်းတကြော ရင်းနှီးခဲ့ဖူးတဲ့အလျောက် ဦးနေဝင်းဆီကို သံ ကြိုးရိုက် အကူအညီတောင်းရာကနေ အဆက်အသွယ်ရခဲ့ပြီး သိပ်မကြာခင် ၁၉၇၆ မှာ လက်ထပ်လိုက်ကြတယ်။ အဲဒီ လက်ထပ်ပွဲက ခပ်ရိုးရိုးသာ ဖြစ်ခဲ့ကြောင်းကိုလည်း ‘It was not one of those lavish things’ လို့ သူမက ဆိုတယ်။
၁၉၇၆ ဒီဇင်ဘာ ၂၅ ရက်နေ့ထုတ် ကြေးမုံ မျက်နှာဖုံးသတင်း

pho

ဦးနေဝင်းက ဘာကြောင့် ရတနာနတ်မယ်ကို လက်ထပ်ခဲ့သ လဲ၊ ရတနာနတ်မယ်လို့ အသိများတဲ့ June Rose ကလည်း ဘာကြောင့် ဦးနေဝင်း ရဲ့ လက်ထပ်ခွင့်ကို လွယ်လွယ်ကူကူ လက်ခံခဲ့သလဲဆိုတာ ကာယကံရှင်များသာ အကြောင်းမှန်ကို သိနိုင်မယ်ဖြစ်ပေမယ့် ဒီဆောင်းပါးလေးထဲက သူမရဲ့စကား တချို့ကတော့ စိတ်ဝင်စားစရာ ကောင်းနေခဲ့တာ အမှန်ပါပဲ။
ဘယ်သူ့ကိုမှ တိုင်တည်ခြင်း မရှိတဲ့ မေးခွန်းဆန်ဆန် အဖြေမ ပါတဲ့ စကားတချို့က ရည်မှန်းထားတာတွေကို ကျမဆောင် ရွက်နိုင်ခဲ့ သလား၊ တခုခုပြီးမြောက်ခဲ့ သလား တဲ့။
အဲဒီအကြောင်းတွေ ရောက်လာတဲ့ အခါမှာတော့ စိတ်လှုပ်ရှား နေဟန် ရှိတဲ့ June Rose ဟာ နေ့လယ်စာ တည်ခင်းခဲ့တဲ့ ပန်း ကန်တွေကို ပန်းကန်ဆေးကန်ထဲ အသံမြည်အောင် ထည့် လိုက်တယ်။ ဝိုင်အစား ဘီယာတလုံးကို ဆွဲယူလိုက်ရင်း “ဗမာလူမျိုးတွေ ပါးစပ်ဖျားမှာ ချိုချဉ်တခုလို တမြုံ့မြုံ့နဲ့ ပြောကောင်းနေခဲ့မယ့် သူ့ ဇာတ်လမ်း” ကို ရယ်သွမ်းသွေးလိုက်သေးတယ်။
လူတိုင်းလို ကြားဖူးခဲ့တဲ့ အနောက်နိုင်ငံရဲ့ စပိုင်လုပ်လို့ ဦးနေဝင်းက မောင်းထုတ်ခဲ့တယ်ဆိုတဲ့ ကောလာဟလကိုမေးတော့ သူမက ရယ်နေခဲ့တယ်။ ဒါပေမဲ့ သူမ ကို ဦးနေဝင်းက ဆေးလိပ်ပြာခွက်နဲ့ ပစ်ပေါက်ခဲ့တယ်ဆိုတဲ့ မနှစ်မြို့စရာ ဖြစ်ရပ်ကိုတော့ သူမက နာနာကျင်ကျင် ဝန်ခံပါတယ်။
နောက်တနေ့ ချက်ခြင်းပဲ သူမဟာ စင်းလုံးလေယာဉ်တစင်းနဲ့ မြန်မာပြည်က ထွက်ခွာလာနိုင်ခဲ့တယ်။ လက်ထပ်အပြီး ၅ လ ဆိုတဲ့ အချိန်တိုလေး အတွင်းမှာပဲ လျင်လျင် မြန်မြန် ဖြစ်ပျက်သွားခဲ့တဲ့ အဲဒီအကြောင်းတွေကို သူမက Sin of Pride လို့ ဆိုခဲ့ပြီး သူမကို မျှော်လင့်ခဲ့တဲ့ လူတွေအတွက် ဘာမှ မဆောင်ရွက်နိုင်ဘဲ အရှုံးနဲ့ သက်သက် ထွက်ခွာခဲ့ရတာ ဖြစ်တယ်လို့ ပြန်ပြောင်း ဖွင့်ဟခဲ့တယ်။
၅ လတာ ကြုံဆုံခဲ့ရတဲ့ ဦးနေဝင်းကိုတော့ တကယ့် ဉာဏ်နီဉာဏ်နက်နဲ့ အရာရာကို ကြိုးကိုင် ခြယ်လှယ်နိုင်သူကြီး တယောက် လို့သာ မှတ်ချက် ပြုထားတယ်။
“ဦးနေဝင်း နဲ့ ရက် ၁ဝဝ” ဆိုတဲ့ စာအုပ်ဟာ အဲဒီခေတ် သံတမန်လောကမှာ တီးတိုးရေပန်းစားခဲ့ပေမယ့် အဲဒီ နေ့လယ်မှာတော့ မိဘဘိုးဘွားတွေနဲ့ ကြီးပြင်းခဲ့တဲ့ အကြောင်းတွေကလွဲရင် အာဏာရှင်ကြီးနဲ့ ပတ်သက်တဲ့အကြောင်းတွေကို ရေးဖို့စိတ်ကူး မရှိပါဘူးလို့ သူမက ငြင်းဆိုခဲ့တယ်။

pho

အီတလီမှာ အချက်အပြုတ် သင်တန်းကျောင်း ဖွင့်ထားတဲ့ ရတနာနတ်မယ် သို့မဟုတ် June Rose Bellamy
(ဓာတ်ပုံ – http://www.studiojunebellamy.it/about.html)
လတ်တလောမှာ အီတာလျံနဲ့ အရှေ့တိုင်းအစားအစာ အချက်အပြုတ်သင်တန်းကျောင်းကို ဖွင့်လှစ်ထားပြီး မကြာသေးခင်နှစ်တွေက တော့ သူမရဲ့ အသက်အစိတ်ရှိပြီဖြစ်တဲ့ မြေးလေးနဲ့အတူ မြန်မာပြည်ကို ပြန်အလည်ရောက်ခဲ့သေးတယ်လို့ ဆိုတယ်။ မြန်မာပြည်တွင်း က ဆရာဝန်တွေနဲ့ လူမူရေးလုပ်ငန်းတချို့ တွဲဖက်လုပ်ကိုင်နေသလို နာဂစ်မုန်တိုင်း ကယ်ဆယ်ရေး လုပ်ငန်းမှာလည်း ပါဝင်ဆောင် ရွက်နေတဲ့အကြောင်း သူမရဲ့ ဧည့်ခန်းမှာ တခမ်းတနား ချိတ်ဆွဲထားတဲ့ အဖြူအမည်း မိသားစုပုံတွေရဲ့ဘေးက မြန်မာပြည် ကျေးရွာ တခုက ပြန်လည်တည်ဆောက်ရေး လုပ်ငန်းတခုရဲ့ ရောင်စုံဓာတ်ပုံနဲ့ဆက်စပ်ကြည့်ရင်း တချိန်က ရတနာနတ်မယ်ဆိုတဲ့ ကနောင်မင်း ရဲ့ မြစ်တော် အသက် ၇၇ နှစ် အရွယ် အမျိုးသမီးကြီးအကြောင်း တွေးနေမိပါတယ်။

http://www.naytthit.net မှကူးယူဖော်ပြပါသည် ။ 

ကဗျာဆိုတာ

ကဗျာဆိုတာ

လူ.စဉ်းစားညဏ်ရဲ.ပဲ့တင်သံ

လူ.နှလုံးသား ရဲ. ခုန်လှုပ်သံ

လူ.စိတ်ဓာတ်ရဲ. မြည်ဟီးသံ

လူ.မျှော်လင့်ချက်ရဲ. သီကျူးသံ

ကဗျာဆိုတာ

ကျွန်မတို. ရဲ. ရုန်းကန်သံပါပဲ

ဒေါ်အောင်ဆန်းစုကြည်

မျက်လှည်.

ငေးငေးလေးကြည်.တတ်တဲ့

ချစ်သူရဲ.မျက်ဝန်းလှည်.စားချက်က

ကောင်းကင်ရဲ.နက်ရှိုင်းမှုထဲမှာ

တည်ရှိနေတဲ့ပဟေဌိများစွာနဲ. ။  ။

မိုးစက်

အိမ်ရှေ့သစ်ပင်သစ်ရွက်တွေမှာမိုးစက်တွေခိုနေတုန်းပဲ

အိပ်မက်ဟာချိုမြိန်နေဆဲပဲ ကိုယ့်အတွက်
ပစ္စုပ္ပန်မှာ တည့်တည့်ကြီးနေပစ်လိုက်ဖို့သိပ်ကိုခက်တယ်
သစ်ရွက်ပေါ်တွဲခိုနေတဲ့ မိုးရေစက်လေးလျောကျသွားတယ်
ရုတ်တရက် ငှက်ကလေးထပျံတယ်
ခဏလေးနဲ့နေ၀င်ပြီး ခဏလေးနဲ့ပဲ ကြယ်တွေကြွေတယ်.။
ဒီလိုပဲနဲ့ပဲအနည်ထိုင်ပစ်ရမှာပဲ
တစ်ယောက်တည်းဆိုတဲ့နေရာကိုရောက်သွားတိုင်း အတွေးတွေကိုရပ်လိုက်ရတယ်.။
ပျော်ရွှင်ခြင်းဆိုတာကိုဘယ်လိုစာလုံးပေါင်းရပါ့မလဲ..။
တိတ်တိတ်လေးမြတ်နိုးနေရခြင်းမှာပဲ ငြိမ်းချမ်းစွာသေဆုံးခဲ့ပါပြီ
ရှိုက်ရှိုက်နေခဲ့ရခြင်းခဏများမှာ..တအိအိပြိုဆင်းလို့
တိတ်ဆိတ်ခြင်းတွေဆူညံနေရလို့
ရေခဲတောင်တွေလည်း အေးခဲနေရခြင်းနဲ့ပူလောင်နေရမှာပါပဲ.။
ခုတော့..
ပေါ့ပေါ့ပါးပါးဆိုတဲ့ခေါင်းစဉ်အောက်မှာ
မကျေနပ်တာတွေကိုရယ်မောပစ်လိုက်ရုံ
ကိုယ်ပေါ်ကမိုးရေစက်လေးကိုသပ်ချလိုက်သလို
မလိုချင်တာတွေကို မင်နီတားပစ်လိုက်ဖို့
ကမ်းခြေမှာရပ်နေခဲ့စဉ်ခဏကလို
လေတိုက်တိုင်း ကိုယ့်ဆံပင်တွေလွင့်ဝဲနေဖို့
ကိုယ့်မျက်တောင်မှာ တွဲခိုနေတဲ့ မျက်ရည်စက်လေးကို ဖျတ်ခနဲပုတ်ထုတ်ပစ်ဖို့
မျှော်လင့်နေရခြင်းဟာ မျှော်လင့်ရခြင်းသက်သက်မဖြစ်စေဖို့တွေ မျှော်လင့်ရင်း
စိတ်ဟာ
အလှမွေးကန်ထဲကငါးလို
အခန်းကျဉ်းထဲမှာပဲ တ၀ဲလည်လည်နဲ့...
အဆင်ပြေတယ်ဆိုတဲ့စကားလုံးသက်သက်ထဲမှာပဲ စိတ်ကိုထိုးခြေပစ်နေမိတယ်
အဆင်ပြေတယ်..
အဆင်ပြေပါတယ်...။
ကံကောင်းခြင်းဆိုတာကလည်း အခွံခွာရခက်တဲ့သစ်သီးတစ်လုံးလိုပဲ
တပ်မက်ခြင်းသက်သက်နဲ့သာငေးမောရင်း
ဘ၀ဟာ..အရွယ်မတိုင်ခင် ရင့်မှည့်ပေးလိုက်ရပါတယ်..။



စိမ်းမြလင်းသစ်