ကံတရား၏ စုတ်ချက်တွင်
ရှေးရေစက်သည်
ဆေးရောင်ဆေးစက်တို့ ဖြစ်ခဲ့သည်။
.
အတိတ်ဘဝက ဆူးခဲ့ဖူးသော
ဆူးကလေး တချောင်းကြောင့်
ဤသို့ တောရိပ်တောင်ရိပ်ကြီးထဲဝယ်
နတ်ရှင်နောင်နှင့် သူမ
ဆုံတွေ့ခွင့်ရခြင်း အမှန်ပင်ဖြစ်သည်။
.
လူနေဟန်ပန်နှင့် ဝတ်ပုံစားပုံ ရုပ်သဏ္ဍာန်က
နတ်ရှင်နောင်ဟု၍ ပုံဖော်ပြဌာန်းထားနိုင်သော်လည်း
ကျွန်တော်၏ နှလုံးသားနှင့်
မျက်လုံးအကြည့်တို့ကား
အားငယ်သည့် နှင်းဆီပန်းလေးတပွင့်နှယ်
သူမ၏ရှေ့၌ တထပ်ချင်း တဖတ်ချင်း
ကြွေ၍ ကြွေ၍ ကျနေသည်။
.
မည်သို့ပင်ဖြစ်စေ
ရင်ကို စူးဝင်ခဲ့သော နေ့တနေ့အား
ကျွန်တော်ကပင် ကျေးဇူးတင်မဆုံးတော့။
.
ကေဇော်
No comments:
Post a Comment